Desiree Maree: Desire naald en garing
Ek het tydens die Covid pandemie besluit om my eie besigheid te begin toe ek agterkom dat my ouers onder finansiële druk verkeer. My ma was skepties en het gevra wat kan ek nou eintlik doen, waarop ek geantwoord het dat ek stukkende klere kan heelmaak. Ek was elf op daardie stadium en het sedertdien begin om ook klere te maak en te ontwerp. Dit is nie altyd maklik om jou eie besigheid te hê nie, want daar is dikwels stil tye en moeilike tye, maar met vasbyt vorder ‘n mens.
