Beoordelaars
Johan Olivier
Posbeskrywing:
Besturende direkteur van Moneytime Kids asook vir MyLife
Kort biografie:
Ek het ’n groot hart en ook ’n passie om kinders van geld te leer. Dit was vir my ’n lewenslange droom om my passie vir finansiële geletterdheid met my werk te kombineer. Ek glo ons belê soveel in kinders se opvoeding en vaardighede, maar laat gedurig een van die mees basiese vaardighede uit – finansiële bevoegdheid.
Ek is ook die besturende direkteur vir MyLife, ’n leefstylplatform wat kliënte van alle vlakke van die lewe help om finansiële, emosionele en sosiale komponente te balanseer. Ek is ’n gekwalifiseerde finansiële opvoeder en het saam met plaaslike skole programme ontwikkel om kinders oor finansiële geletterdheid op te voed.
Mareli Swanepoel
Posbeskrywing:
Bestuurder van die projekte-afdeling by Akademia
Kort biografie:
Ek het ondervinding in kommunikasiekunde, bemarking, studentelewe en projekbestuur by organisasies sonder winsoogmerk. My fokus is die implementering en uitbouing van bemarkings- en kommunikasieprojekte binne en buite dié organisasie.
Entrepreneurs is die hartklop/middelpunt van ’n gemeenskap. Akademia is verbonde aan die Afrikaanse taal- en kultuurgemeenskap en daarom is dit so belangrik om deel van hierdie kompetisie te wees vir die uitbouing en bevordering van kennis en wysheid binne die entrepreneurskapgemeenskap.
Esmarie Yssel
Posbeskrywing:
Omroeper/nuusleser/inhoudsvervaardiger en joernalis by die radiostasie Pretoria FM.
Kort biografie:
My loopbaan het 17 jaar gelede as televisienuusverslaggewer by SAUK Nuus begin.
By die huis is ek ’n introvert, gelukkig getroud met Elrich Yssel, splinternuwe mamma, baardkollie-ma, stapper, skrywer en reisiger.
Ek sal ook eersdaags te sien wees as aanbieder van ’n nuwe televisieprogram op die AfriForum TV-stromingsplatform. Dit is ’n prettige diereprogram, genaamd DIERBAAR.
My lewensfilosofie is om nooit op te gee of op te hou glo in die hoop van môre en te soek na die mooi in elke dag nie, ondanks die lewe wat mens soms met ’n plettervat grond toe vat.
Hui-Mari
Posbeskrywing: Jeugspesialis
Entrepreneurs bring innovasie, maak ons lewens maklik en hef die samelewing op. Sommige entrepreneurs word gebore – ander word geleer hoe om suksesvol te wees. Daarom is inisiatiewe soos AfriForum se Besigheidsbytjies so belangrik – om die saadjie van vroeg af te plant.
Lesley-Anne van Eeden
Posbeskrywing:
Ontwerper, stigter en eienaar: Matt & Milly
Kort biografie:
Ek het Matt & Milly begin in 2019 om meer tyd saam met my kinders te spandeer. Ek leef absoluut my passie uit en is mal daaroor om vir ander ongeëwenaarde leerprodukte te maak. Entrepreneurskap maak my opgewonde.
