Stap 1: Inskrywing

Persoonlike inligting:
Voltooi asseblief onderstaande inligting so volledig as moontlik.

Stap 2: Idee

As entrepreneur moet jy eerstens besluit of jy ’n produk gaan verkoop en of jy ’n diens aan die gemeenskap gaan lewer. Dit is belangrik om in gedagte te hou wát die maatskaplike toestand van die gemeenskap is. Maatskaplik verwys na die ekonomiese toestand, met ander woorde finansiële welvaart, van die omgewing. In kort – watter area gaan jou onderneming bedien?

Uniekheid:
Uniek beteken om “anders” te wees. Daar is letterlik biljoene mense op aarde – maar niemand soos jy nie!

Stap 3: Bekendstelling

Bemarking:
Een van die meer uitdagende gebiede by die opstel/begin van ’n nuwe onderneming, is wat om die onderneming te noem, met ander woorde die naam.

Wenke om te oorweeg wanneer jy ’n naam kies: maklik om te spel, positiewe konnotasie, hou verband met wat jy doen en prikkel die belangstelling van jou teikenmark! Moenie vergeet om ’n goeie skoot kreatiewe denke aan die dag te lê nie!

’n Slagspreuk is ’n woord of frase (gedeelte van ’n sin) wat gereeld in publisiteit (bemarking) as ’n identifiserende frase gebruik word. ’n Slagspreuk is eksklusief aan jou onderneming, met ander woorde uniek en eie aan jou handelsmerk.

Wenke om te oorweeg wanneer jy ’n slagspreuk kies: kort en kragtig, maklik om te onthou en moet positiewe gevoelens oor jou onderneming oordra.

Logo:

’n Logo is ’n merk, simbool of ontwerp wat ’n idee, in jou geval, ’n onderneming van ’n produk of diens verteenwoordig. Dit is letterlik die gesig van jou onderneming.

Die doel van ’n logo is dat iemand, wanneer hulle die logo sien, die visuele (dit wat jy sien) boodskap onmiddellik en maklik kan verstaan.

Wenke om te oorweeg wanneer jy ’n logo ontwerp: eenvoud weerspieël, kreatiewe denke bevorder, aandag trek – indruk laat en moet jou onderneming onderskei van die kompetisie in die mark.

Jy is verantwoordelik om jou eie logo vir jou onderneming te ontwerp. Lees versigtig deur die onderstaande inligting sodat jy nie die verkeerde kriteria toepas nie:

Geen rekenaar of toepassing mag gebruik word nie. Ontwerp jou eie logo deur dit met jou hand te teken/te verf – die rekenaar mag nié ingespan word nie! Punte sal afgetrek word.

Stap 4: Bemarking

Advertensie:
’n Suksesvolle advertensie span woorde én beelde op ’n bekwame wyse in om die verbruiker (jou kliënt) se begeerte na jou produk of diens en hul verbeelding gaande te maak.

Die doel van ’n advertensie is uiteindelik om jou produk of diens te bevorder en te versprei. Mense moet jou produk koop of van jou dienste gebruik maak.

Advertensies kan op verskillende wyses in die media verskyn: fisies of aanlyn, e-posse, plakkate, koerante, tydskrifte, baniere, radio en televisie. Hou in gedagte dat radio en televisie dalk die meeste mense in die kortste moontlike tyd gaan bereik. Maar dié medium is baie duur en nie noodwendig vir entrepreneurs, wat groentjies is, se sakke geskik nie.

Wenke om te oorweeg wanneer jy jou advertensie ontwerp: doen deeglike beplanning, beperk lettertipes (maksimum drie verskillendes), beperk woorde en lang sinne, kies kleure vir ’n doel, moenie alle leë spasies vul nie, skep balans, wees oorspronklik – al dwaal jy af van die nuutste modegier.

Onthou jou naam, slagspreuk en logo moet deel vorm van jou advertensie.

Jy is verantwoordelik om jou eie advertensie vir jou onderneming te ontwerp. Lees versigtig deur die onderstaande inligting sodat jy nie die verkeerde kriteria toepas nie:

Geen rekenaar. Ontwerp jou eie advertensie (deur dit met die hand te teken/verf) – die rekenaar mag nié ingespan word nie! Punte sal afgetrek word.

Stap 5: Finansies

Jy is nooit te jonk om te begin spaar nie! Dit is nodig om van jongs af jou finansiële doelwitte te bepaal: duur begeerte, spaar vir universiteit of bloot om te belê in jou (groeiende) onderneming.

Maak seker jy doen die afdeling oor finansies volgens jou kategorie! Die Besigheidsbytjies-entrepreneurskompetisie vereis van kategorieё: Senior- en VOO-fase om ’n volledige besigheidsplan in te dien.

Laai gerus die Besigheidsbytjiegids hier gratis af om jou te vergewis van die volledige raamwerkuiteensetting van die finansiële afdeling wat jy benodig as deel van jou sakeplan.

Hommelbytjies:
Vir die kategorieё: Junior- en intersenfase is dit voldoende om die eenvoudige winsberekening – soos in die tabel hieronder – in te vul.

Jy is nooit te jonk om te begin spaar nie! Dit is nodig om van jongs af jou finansiële doelwitte te bepaal: duur begeerte, spaar vir universiteit of bloot om te belê in jou (groeiende) onderneming.

Bereken jou wins. Wins is die term wat gegee word vir die hoeveelheid geld wat jy oorhou nadat al jou uitgawes afgetrek is.

Opsomming:
Dit is nodig om refleksie te doen. Dit sal jou help om te bepaal waarheen jy op pad is met jou onderneming. En wat die realistiese vooruitskouing van jou onderneming is: groei of stagnasie (die onderneming het nie die potensiaal om te groei nie).

Stap 2: Idee

As entrepreneur moet jy eerstens besluit of jy ’n produk gaan verkoop en of jy ’n diens aan die gemeenskap gaan lewer. Dit is belangrik om in gedagte te hou wát die maatskaplike toestand van die gemeenskap is. Maatskaplik verwys na die ekonomiese toestand, met ander woorde finansiële welvaart, van die omgewing. In kort – watter area gaan jou onderneming bedien?

Uniekheid:
Uniek beteken om “anders” te wees. Daar is letterlik biljoene mense op aarde – maar niemand soos jy nie!

Stap 3: Bekendstelling

Bemarking:
Een van die meer uitdagende gebiede by die opstel/begin van ’n nuwe onderneming, is wat om die onderneming te noem, met ander woorde die naam.

Wenke om te oorweeg wanneer jy ’n naam kies: maklik om te spel, positiewe konnotasie, hou verband met wat jy doen en prikkel die belangstelling van jou teikenmark! Moenie vergeet om ’n goeie skoot kreatiewe denke aan die dag te lê nie!

’n Slagspreuk is ’n woord of frase (gedeelte van ’n sin) wat gereeld in publisiteit (bemarking) as ’n identifiserende frase gebruik word. ’n Slagspreuk is eksklusief aan jou onderneming, met ander woorde uniek en eie aan jou handelsmerk.

Wenke om te oorweeg wanneer jy ’n slagspreuk kies: kort en kragtig, maklik om te onthou en moet positiewe gevoelens oor jou onderneming oordra.

Logo:
’n Logo is ’n merk, simbool of ontwerp wat ’n idee, in jou geval, ’n onderneming van ’n produk of diens verteenwoordig. Dit is letterlik die gesig van jou onderneming.

Die doel van ’n logo is dat iemand, wanneer hulle die logo sien, die visuele (dit wat jy sien) boodskap onmiddellik en maklik kan verstaan.

Wenke om te oorweeg wanneer jy ’n logo ontwerp: eenvoud weerspieël, kreatiewe denke bevorder, aandag trek – indruk laat en moet jou onderneming onderskei van die kompetisie in die mark.

Jy is verantwoordelik om jou eie logo vir jou onderneming te ontwerp. Lees versigtig deur die onderstaande inligting sodat jy nie die verkeerde kriteria toepas nie:

Rekenaarontwerp is toelaatbaar. Ontwerp jou eie logo – span gerus die rekenaar/tegnologie in.

Stap 4: Bemarking

Advertensie:
’n Suksesvolle advertensie span woorde én beelde op ’n bekwame wyse in om die verbruiker (jou kliënt) se begeerte na jou produk of diens en hul verbeelding gaande te maak.

Die doel van ’n advertensie is uiteindelik om jou produk of diens te bevorder en te versprei. Mense moet jou produk koop of van jou dienste gebruik maak. Advertensies kan op verskillende wyses in die media verskyn: fisies of aanlyn, e-posse, plakkate, koerante, tydskrifte, baniere, radio en televisie. Hou in gedagte dat radio en televisie dalk die meeste mense in die kortste moontlike tyd gaan bereik. Maar dié medium is baie duur en nie noodwendig vir entrepreneurs, wat groentjies is, se sakke geskik nie.

Wenke om te oorweeg wanneer jy jou advertensie ontwerp: doen deeglike beplanning, beperk lettertipes (maksimum drie verskillendes), beperk woorde en lang sinne, kies kleure vir ’n doel, moenie alle leë spasies vul nie, skep balans, wees oorspronklik – al dwaal jy af van die nuutste modegier.

Onthou jou naam, slagspreuk en logo moet deel vorm van jou advertensie.

Jy is verantwoordelik om jou eie advertensie vir jou onderneming te ontwerp. Lees versigtig deur die onderstaande inligting sodat jy nie die verkeerde kriteria toepas nie:

Rekenaarontwerp is toelaatbaar. Ontwerp jou eie advertensie – span gerus die rekenaar/tegnologie in.

Stap 5: Finansies

Jy is nooit te jonk om te begin spaar nie! Dit is nodig om van jongs af jou finansiële doelwitte te bepaal: duur begeerte, spaar vir universiteit of bloot om te belê in jou (groeiende) onderneming.

Maak seker jy doen die afdeling oor finansies volgens jou kategorie! Die Besigheidsbytjies-entrepreneurskompetisie vereis van kategorieё: Senior- en VOO-fase om ’n volledige besigheidsplan in te dien.

Laai gerus die Besigheidsbytjiegids hier gratis af om jou te vergewis van die volledige raamwerkuiteensetting van die finansiële afdeling wat jy benodig as deel van jou sakeplan.

Juniorpreneurs:
As entrepreneur vir die Senior- en VOO-fase moet jy die beoordelaars voorsien van:

– Die aanvangskoste:

– Die eenheidskoste

Produk = Totale uitgawes ÷ aantal produkte wat gemaak is OF Diens = Totale uitgawes ÷ aantal ure gewerk

– Prysvasstelling:

Opsomming:
Dit is nodig om refleksie te doen. Dit sal jou help om te bepaal waarheen jy op pad is met jou onderneming. En wat die realistiese vooruitskouing van jou onderneming is: groei of stagnasie (die onderneming het nie die potensiaal om te groei nie).